İdman
Bu gecə bütün Avropa “Canavarlar”dan danışacaq
Çempionlar Liqasında 1/8 final mərhələsinin daha 2 oyunu keçiriləcək
Bu gün Çempionlar Liqasında 1/8 final mərhələsinin daha 2 oyunu keçiriləcək.
Publika.az xəbər verir ki, əsas diqqətlər İtaliya paytaxtında "Roma" ilə "Real"ın oyununa yönələcək. Bu matça hər iki komanda mövsümün ilk yarısı ilə müqayisədə yeni baş məşqçinin rəhbərliyi altında çıxacaq. Zinəddin Zidan Çempionlar Liqasında baş məşqçi kimi debüt edəcək. O, əvvəllər futbolçu kimi şərəfini qoruduğu "Kral klubu"nun sükanı arxasında olacaq. Luçano Spaletti isə bir neçə ildən sonra yenidən "Canavarlar"ı vacib oyuna çıxaracaq.
"Roma" son 13 matçda bütün cəbhələrdə yalnız bir dəfə uduzub. "Real" isə son 8 iki oyunluq qarşıdurmalarda İtaliya təmsilçilərinə yenilib.
“Canavarlar”ın heyətində yeganə ciddi problem Daniele de Rossi ilə bağlıdır. Bir müddətdir zədədən əziyyət çəkən yarımmüdafiəçinin “Real”la görüşdə meydana çıxıb-çıxmayacağı məlum deyil. Amma “Real”ın heyətlə bağlı narahatlığı daha çoxdur. “Kral klubu”nun 3 aparıcı oyunçusu Pepe, Marselo və Qaret Beyl zədədən əziyyət çəkirlər. Zidan hər 3 futbolçunun xidmətindən məhrum olacaq. Romalıların əsas üstünlüyü də məhz bu olacaq. Onlar madridlilərin müdafiə xəttindəki problemdən yararlanmağa çalışacaqlar.
Digər qarşılaşma isə Belçikada "Gent"lə "Canavarlar" ləqəbli daha bir komanda - Almaniya "Volfsburq"u arasında olacaq. Hər iki komanda Çempionlar Liqasının "pley-off" mərhələsində debüt edəcək. "Gent" son 7 ev oyunundan qalib ayrılıb. Əvəzində "Volfsburq" qrup mərhələsi başa çatdıqdan sonra cəmi 1 dəfə qələbəyə sevinib. Komandanın ən yaxşı futbolçularından sayılan Naldo ilk oyunu cəza üzündən buraxmalı olacaq. Üstəlik, əsas qapıçı Dieqo Benalyonun zədəli olması səbəbindən Kun Kasteels Çempionlar Liqasında debüt etməyə hazırlaşır.
Çempionlar Liqası. 1/8 final, ilk oyunlar
17 fevral
23:45 Roma (İtaliya) - Real (İspaniya)
Baş hakim: Pavel Kraloveç (Çexiya)
Roma. "Olimpiko" stadionu
23:45 Gent (Belçika) - Volfsburq (Almaniya)
Baş hakim: Sven Oddvar Moen (Norveç)
Gent. “KAA Gent” stadionu.
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq