İdman

İnsident – Polis və mühafizəçi yaralandı – VİDEO

8 Sentyabr 2014 15:05

Türkiyənin 3-cü liqasının açılış matçında "B.B.Erzurumspor" klubu "Ayvalıkgücü" ilə qarşılaşıb və 0:1 hesabı ilə məğlub olub.

Publika.az xəbər verir ki, matçın 81-ci dəqiqəsində qonaqların qol vurmasını həzm edə bilməyən azarkeşlərlə polis arasında qarşıdurma yaşanıb.

Azarkeşlərdən biri meydana girərək futbolçulara əlverişli məqamlardan yararlanmadıqlarına görə, irad bildirib və topu rəqib qapısına vurub. Bundan sonra tribunada olan azarkeşlər də oturacaqları sındıraraq meydana atıblar.

Polisə və mühafizəçilər sərt reaksiya göstərən azarkeşlərə qarşı tədbir görüb. İnsident zamanı 1 polis və 1 xüsusi mühafizə işçisi yaralanıb. Polis sakitlik yaratmaq üçün bibər qazından istifadə edib.

Aygün İlqarqızı