İdman

Panamalı futbolçu Azərbaycan klubu ilə müqavilə imzaladı

22 Mart 2023 15:38

“Turan Tovuz” heyətinə daha bir legioner futbolçu cəlb edib.

Publika.az xəbər verir ki, Tovuz təmsilçisi panamalı müdafiəçi Roderik Milleri transfer edib.

Bu barədə klubun mətbuat xidməti məlumat yayıb. 30 yaşlı mərkəz müdafiəçisi ilə müqavilənin müddəti açıqlanmır.

Miller peşəkar karyerasına ölkəsinin “San Fransisko” komandasında başlayıb. O, Meksikanın “Venados”, Kolumbiyanın “Atletiko Nasional”, Portuqaliyanın “Feyrense”, Qazaxıstanın “Okjetpes”, Perunun “Karlos Steyn” kimi klublarında legioner həyatı yaşayıb. 2021-ci ildən isə müdafiəçi İraqda oynayırdı. 2021/22 mövsümünü “Əl-Quva”da keçirən futbolçu son olaraq “Əl-Minaa”da çıxış edib.

Panamanın U-20 və U-23 yığmalarında da oynamış Roderik ölkəsinin əsas yığmasında 33 oyun keçirib, 1 qol vurub.