Cazibədar voleybolçunun çörəyi idmandan yox, modellikdən çıxır - FOTOLAR

Kayla Alves dünya voleybolunun super ulduzu olmasa da, lakin top klublarda çıxış edən bəzi oyunçulardan daha çox tanınır. Bunun səbəbi tez-tez medianın gündəminə gəlməsidir.

Braziliyalı voleybolçu "Osasko" komandasının liberosudur. Amma bu onun üçün elə də vacib məqam deyil. Çünki o daha çox başqa sahəyə diqqət ayırır.

23 yaşlı voleybolçu idmandan kənarda daha çox pul qazanır. Alves etiraf edir ki, gəliri "Osaka"dakı maaşından 50 dəfə çoxdur. Kaylanın sözlərinə görə, "OnlyFans"da özünə səhifə açmasaydı, bu qədər gəliri olmazdı:

"Mən özümü peşəkar idmançı hesab edirəm, amma meydandan kənarda işlərim xeyli inkişaf edib. Ona görə də voleybolla paralel yeni karyera qurdum və ona diqqət yetirməyə başladım. İstəsəniz də, istəməsəniz də bu gün mənim ən böyük gəlirim bu sahədəndir. Mən özümü idmançı hesab edirəm və internetdə imicimin artmasına da məhz bu məqam səbəb olub".

"OnlyFans"dakı fotolarının heç birində çılpaq olmamasına baxmayaraq, braziliyalı abunəçilər arasında populyardır. O, idmanı tərk edib sözügedən işdəki karyerasına diqqət yetirə bilər, lakin voleyboldan da ayrı qala bilmir.

Buna baxmayaraq, model kimi çalışmaq Alvesə mane olmur. O, Braziliyada xeyli məşhurdur. Televiziya və sosial tədbirlərdə tez-tez qonaq olur, həmçinin tanınmış jurnallarda çəkilişlərə dəvətlər alır.

Bu yaxınlarda onun böyük qalmaqalla gündəmə gəldiyi barədə məlumat vermişdik. Məlum olub ki, Kayla və onun əkiz bacısı Keyt ( o da voleybolçudur) futbolçu Neymarla münasibət qurmağa yaxın olublar. PSJ-nin futbolçusu hər ikisinə eşq elan etsə də, rədd cavabı alıb. O, bu barədə sosial şəbəkə hesabında yazıb.

“Bacımla münasibət qurmazdan əvvəl onunla söhbət edirdi. Sonra o, kiminləsə görüşməyə başladı və mesajları dayandı. Sonra nə etdi? Mənə mesaj göndərdi. Elə bilirdi ki, bacımın əvvəllər onunla necə münasibətdə olduğundan xəbərsizəm”, - deyə Kayla bildirib.

Bacılar o qədər məşhurdurlar ki, ulduz futbolçunun diqqəti və münasibət qurmaq cəhdlər onlara çox adi gəlirdi.

Heybət