İdman

"Qəbələ" tarixində 2-ci dəfə Azərbaycan Kubokunun qalibi oldu - FOTO/VİDEO/YENİLƏNDİ

3 İyun 2023 22:49

Azərbaycan Kubokunun final oyunu keçirilib.

Publika.az xəbər verir ki, “Neftçi” və “Qəbələ” arasında keçirilən görüşlə 2022/2023 mövsümünə yekun vurulub.

“Bakcell Arena”dakı matçın 90 dəqiqəsində qapılara qol vurulmadığından, daha 30 dəqiqə oynanılıb. Əlavə vaxtda bölgə təmsilçisi hesabı açıb. 102-ci dəqiqədə İsnik Alimi penaltidən fərqlənərək, “qırmızı-qaralar”ı önə keçirib. Bu, həm də qarşılaşmada vurulan yeganə qol olub.

Beləliklə, 1:0 hesablı qələbə qazanan “Qəbələ” tarixində 2-ci dəfə Azərbaycan Kubokuna yiyələnib. “Qırmızı-qaralar”, bunadək turnirdə yegənə uğuruna 2018/2019 mövsümündə nail olmuşdu. Elmar Baxşıyevin rəhbərlik etdiyi komanda 4 illik həsrətə son qoyub.

xxx

22:25

Azərbaycan Kubokunun final oyununda hesab açılıb.

Publika.az xəbər verir ki, “Qəbələ” “Neftçi” ilə matçda önə keçib.

102-ci dəqiqədə İsnik Alimi penaltidən fərqlənib.

xxx

20:00

Azərbaycan Kubokunda final oyunu start götürüb.

Publika.az xəbər verir ki, mövsümün son görüşü “Neftçi” ilə “Qəbələ” arasında keçirilir.

Qarşılaşma “Bakcell Arena”da oynanılır.