İdman

Bir güllə ilə iki dovşan vurdu

20 Sentyabr 2023 11:23

Robert Levandovski "Barselona"nın tarixinə düşüb.

Publika.az xəbər verir ki, 35 yaşlı hücumçu buna Belçika “Antverpen”inə 5:0 hesabı ilə qalib gəldikləri UEFA Çempionlar Liqasının qrup mərhələsinin I turunun oyununda nail olub. Bu barədə Beynəlxalq Futbol Tarixi və Statistikaları Federasiyası0 (İFFHS) məlumat yayıb.

Görüşdə ikinci qola imza atan polşalı forvard "Barsa"nın heyətində qitənin bir nömrəli klub turnirində fərqlənən ən yaşlı oyunçu adına sahib çıxıb. Bunu 35 yaş 29 günündə bacaran Levandovski 2021-ci ildə Kiyev "Dinamo"su ilə qarşılaşmada fərqlənən Jerar Pikeni (34 yaş, 260 gün) geridə qoyub.

Bundan əlavə, polşalı oyunçu avrokuboklarda 100-cü qolunu (Çempionlar Liqasında 92, UEFA Kubokunda 8) vurub. O, 100 qol həddinə çatan üçüncü futbolçu olub. Leva Kriştiano Ronaldo (145) və Lionel Messidən (132) sonra məhsuldar futbolçuların siyahısında üçüncü pillədə qərarlaşıb.

Heybət