İdman

"Qarabağ" Azərbaycanın xal ehtiyatını atırdı

22 Sentyabr 2023 10:56

Ötən gün avrokuboklarda keçirilən oyunlardan sonra UEFA reytinq siyahısını yeniləyib.

Publika.az xəbər verir ki, baş tutan görüşlər əmsallar cədvəlində Azərbaycanın da reytinq xallarının artmasına şərait yaradıb.

"Qarabağ" ölkəmizə 0,500 əmsal qazandırıb. Ağdam klubu bunu Avropa Liqasının qrup mərhələsinin ilk görüşündə, Norveç "Mölde"sinə evdə 1:0 hesabı ilə qalib gələrək bunu reallaşdırıb. Beləliklə, cari mövsümdəki ümumi qazanc 3,125-ə yüksəlib.

Son 5 mövsümdəki ümumi xalı 17,375-ə çatan Azərbaycan reytinqdə 29-cu yerdə qalıb. 28-ci sıradakı Slovakiya ilə aradakı xal fərqi (0,500) də dəyişməyib. "Alt mərtəbədəki qonşu" Moldova isə xeyli geridədir - 12,875.

UEFA reytinqinə 90,303 xalla İngiltərə başçılıq edir. İspaniya (78,864) ikinci, İtaliya (73.141) isə üçüncü pillədədi.

Heybət