İdman
İkiqat dünya çempionumuzdan ŞOK qərar
Azərbaycanın boks üzrə ikiqat dünya çempionu və 2012-ci il London Yay Olimpiya Oyunlarının bürünc mükafatçısı Məhəmmədrəsul Məcidov gözlənilməz qərarı ilə hamını şoka salıb. Mətbuatda yayılan məlumata görə, Məcidov Beynəlxalq Həvəskar Boks Assosiasiyasının (AİBA) təşkil etdiyi peşəkar boks yarışına qatılmaqdan son anda imtina edib.
Boksçunun yarışdan imtina etməsinə federasiyadan münasibət bildirilib. Federasiyadan verilən məlumata görə, Məcidovun yarışdan imtina etməsinə səbəb xəstələnməsi olub.
Məlumatda bildirilir ki, AİBA-nın peşəkar boks yarışı bu ildən keçirilməyə başlayacaq. Burada hər çəkidə 8 boksçu olmaqla, ümumilikdə 10 çəki dərəcəsi mövcuddur və yarış 2016-cı il Rio-de-Janeyro Yay Olimpiya Oyunlarına lisenziya xarakteri daşıyır. Məcidovun peşəkar boks yarışından imtinası onun olimpiadaya lisenziya qazanmasının mümkün olmayacağı deməkdir.
Publika.az-a danışan federasiyanın mətbuat xidmətinin rəhbəri Elnur Məmmədli Məcidovun başqa beynəlxalq turnirlərdə iştirak edərək olimpiadaya lisenziya qazanacağını bildirdi:
“Xəstə olduğu üçün bu yarışa çıxmadı. Hələ qarşıda yarışlar var. Orada iştirak edərək olimpiada lisenziyasını təmin edə bilər”.
Xatırladaq ki, Məcidov superağır çəkidə (+91 kq) çıxış etməli və mübarizəyə 1/4 finaldan başlamalı idi. Püşk nəticəsinə əsasən, o, oktyabrın 24-də ilk döyüşünü Mihay Nirstorla keçirməli idi.
İndi boksçumuzun əvəzinə Mihay Nirstorun qarşısına Almaniyadan bir idmançının çıxacağı bildirilir.
Qeyd edək ki, AİBA-nın peşəkar boks yarışında ölkəmizi Fariz Məmmədov (69 kq) və dünya çempionu Cavid Çələbiyev (56 kq) təmsil edəcək.
Aygün İlqarqızı
-
Magazin205:45
Sevgili olduqları deyilirdi: Buse Meraldan Aras Bulutla bağlı AÇIQLAMA
-
Magazin202:00
Məşhur reper öpüşmə səhnəsinə görə sevgilisini tərk etdi
-
Qoroskop00:35
Günün qoroskopu: bir sıra mətləblər əyan olacaq
-
Nida Xəbər 1 May 23:50
Paşinyan: Mümkün qədər tez...
-
Hadisə1 May 23:26
Qızı evdən qaçan ata efirdə göz yaşı tökdü - VİDEO
-
İqtisadi gündəm1 May 22:50
Dolların qiyməti ilə bağlı QƏRAR
-
Region1 May 22:42
Türkiyə ordusu şəhid verdi
-
İKT1 May 20:50
Telekanallarla bağlı statistika AÇIQLANDI - Ən çox bu verilişlər...