İdman
Premyer Liqa klubunu almaq istəyən şirkət fırıldaqçı çıxdı
İngiltərənin “Everton” klubunu almaq üçün müqavilə bağlamış ABŞ investisiya şirkəti “777 Partners” fırıldaqçılıq sxemləri və maliyyə piramidası yaratmaqda ittiham edilir.
Publika.az xəbər verir ki, bu barədə “The Telegraph” məlumat yayıb.
2023-cü ilin sentyabrında “777 Partners” “Everton”un hazırkı sahibi Fərhad Moşiri ilə futbol klubunun 94,1% payını almaq üçün müqavilə imzalayıb. Şirkətdə maliyyə çətinlikləri yarandığı üçün satınalma prosesi dayanıb.
Bu həftənin sonunda investisiya şirkətləri “Leadenhall Capital Partners LLP” və “Leadenhall Life Insurance Linked Investments Fund PLC” “777 Partners”ə qarşı iddia qaldırıb. Bildirilir ki, sözügedən şirkət təxminən 280 milyon funt sterlinq dəyərində aktivlər qarşılığında borc götürərək, “Everton”u almaq üçün saxta sxemdən istifadə edib. Şirkət nəzarət etmədiyi və ya mövcud olmadığını bildirdiyi 350 milyon dollardan çox aktivi girov kimi istifadə edib.
İddiada deyilir ki, “777 Partners” “dağılmaq ərəfəsində olan kartlar evi” və “Everton” sahibi Coş Uanderin “fırıldaqçılıq üçün ən son parlaq hədəfi”dir.
İddiaçılar zərərin ödənilməsini və “777 Partners”in öhdəliklərini pozmasını qadağan edən əmr istəyirlər. Qeyd olunur ki, məhkəməyə müraciət etdikdən sonra şirkətin investisiya portfeli iki dəfə azaldılıb və İngiltərə Premyer Liqasının “Everton”un alınmasına razılıq verməsi demək olar ki, mümkünsüz olub.
“777 Partners” Mayamidə ( Florida , ABŞ ) yerləşən investisiya şirkətidir. 2015-ci ildə təsis edilib. Şirkət İtaliyanın “Cenoa”, Almaniyanın “Herta” və Braziliyanın “Vasko de Qama” klubları da daxil olmaqla bir neçə futbol klubunun sahibidir . Həmçinin İspaniyanın “Sevilya” və Avstraliyanın ” Melburn Victory” komandalarının azlıq payına malikdir.
-
Magazin209:50
Relslər üzərində fotosessiya etdirmək istəyən modeli sürət qatarı vurub öldürdü - FOTOLAR
-
Ekologiya08:10
Günəşdə ən yüksək səviyyədə PARTLAYIŞ
-
Kriminal07:55
Zaqatalada 44 yaşlı bacısını güllələyən qardaş tutuldu - YENİLƏNDİ
-
Ekopublika.az07:25
Azərbaycanda saatlıq əməkhaqqına keçidlə bağlı AÇIQLAMA
-
İdman07:10
Dəhşətli qəzanın maddi zərəri AÇIQLANDI
-
Kriminal03:18
Ailəsini Suriyaya aparan Kamran: "Gizli yolla Azərbaycana qayıtdım"
-
Kriminal01:40
20 minə üçotaqlı mənzillər “satırdı” - Həbs edildi
-
Nida Xəbər 00:45
Azərbaycanın sabiq müdafiə naziri vəfat etdi - FOTO