Ruslar Türkiyədən kütləvi şəkildə köçürlər: elə səbəb göstərirlər ki...

Ukraynada müharibə başlayandan sonra Türkiyəyə köçən ruslar yaşayış icazələri ilə bağlı problemlər və maliyyə çətinlikləri səbəbindən kütləvi şəkildə başqa ölkələrə getməyə başlayıblar.

Publika.az xəbər verir ki, bu barədə “Reuters” yazıb.

Agentliyin istinad etdiyi rəsmi statistikaya görə, may ayında Türkiyədə yaşamaq icazəsi olan rusların sayı 2022-ci ilin sonu ilə müqayisədə təxminən üçdə bir azalaraq 154 mindən 96 minə düşüb.

Agentliyin sorğusuna qatılan ruslar Türkiyəni tərk edən və ya belə tanışları olanlar köçmək üçün ən çox Serbiya və Monteneqronu seçdiklərini bildiriblər. Onlar bu addımın digər səbəbləri arasında sanksiyalara görə bank xidmətləri ilə bağlı problemləri, həmçinin apreldə Türkiyədə 70 faizə çatan yüksək inflyasiyanı göstərirlər.

2023-cü ilin yanvarında Ankara turistlərin yaşamaq icazəsi üçün əcnəbilərin müraciətlərinə dair yoxlamaları gücləndirib: yanlış məqsədlə edilən müraciətlər rədd edilir və belə bir yaşayış icazəsi Türkiyədə turist kimi qaldığını sübut edən sənəd olmadan verilmir.

Türkiyə hakimiyyət orqanlarının rəsmi məlumatlarına görə, 2024-cü ilin yanvar ayına qədər bir il ərzində 54 mindən çox yaşamaq icazəsi olan rus Türkiyəni tərk edib. Ümumilikdə isə Türkiyədə yaşamaq icazəsi ilə qanuni yaşayan əcnəbilərin sayı dörddə bir milyondan çox azalıb.

Akqabay