İdman

“Real”ın daha bir ulduzu ərəblərin hədəfində: Agenti ad günü mərasimini ləğv etdi ki…

16 Avqust 2024 10:49

“Real Madrid”in müdafiəçisi Eder Militao karyerasını Səudiyyə Ərəbistanında davam etdirə bilər.

Publika.az xəbər verir ki, bu barədə “Globo Esporte” məlumat yayıb.

Mərkəz müdafiəçisinin “Real”la müqaviləsində 500 milyon avro təzminat nəzərdə tutulub. Səudiyyəlilərin tezliklə braziliyalı futbolçu ilə danışıqlara başlayacağı gözlənilir.

26 yaşlı müdafiəçinin agenti Səudiyyə Ərəbistanı investisiya fondu ilə danışıqlar aparmaq üçün ad günü mərasimini ləğv edib.

Transfermarkt internet portalı 26 yaşlı müdafiəçinin transfer dəyərini 60 milyon avro qiymətləndirir.

Bundan əvvəl Səudiyyə Ərəbistanının investisiya fondunun “Los Blancos”un daha bir ulduzu Vinisius Junioru almaq istədiyi bildirilirdi. Səudiyyəlilər Vinisiusa 5 il ərzində 1 milyard avroluq müqavilə təklif ediblər.

Eder Militao 2019-cu ildə “Porto”dan 50 milyon avroya “Kral klubu”na keçib. 2023/24 mövsümündə braziliyalı müdafiəçi “Real”ın heyətində bütün yarışlarda 13 oyun keçirib və qol vurmayıb.