İdman

UEFA “Real”a sanksiya tətbiq edə bilər

19 Sentyabr 2024 05:15

UEFA dövlət vəsaitlərinin sui-istifadəsi ilə bağlı maliyyə pozuntularına görə “Real”a qarşı sanksiyalar tətbiq edə bilər.

Publika.az xəbər verir ki, bu barədə İspaniya Ali Məhkəməsinin fəxri hakimi Xose Antonio Palin “Marca” qəzetinə müsahibəsində bildirib.

Palin qeyd edib ki, Madrid klubu hökumət mənbələrindən maliyyə dəstəyi alır. Bu, xüsusən də parkinq, futbol və idmanla birbaşa əlaqəli olmayan digər fəaliyyətlərə aiddir. “Onların hətta UEFA ilə problemləri də ola bilər”, – deyə hakim qeyd edib.

Bundan əlavə, Palin “Santyaqo Bernabeu” stadionundakı səs-küyün səviyyəsini tənqid edərək, bunu “ətraf mühitə qarşı cinayət” adlandırıb. Lakin o, əlavə edib ki, stadionun tam səs izolyasiyasını təmin etmək texniki cəhətdən mümkün deyil.