İndzaqi prokurorluqda dindirildi: Yaxın günlərdə Çalhanoğlu da...

"İnter"in baş məşqçisi Simone İndzaqi klubunun və "Milan"ın ən çılğın azarkeşləri ilə bağlı aparılan geniş araşdırma çərçivəsində İtaliya prokurorları tərəfindən dindirilib.

Publika.az xəbər verir ki, 48 yaşlı İnzaqi dəyərli məlumatı olan şahid kimi görülüb və istintaq altında deyil.

Xüsusilə, telefon danışıqlarının dinlənilməsi zamanı ittiham tərəfi müəyyən edib ki, “İnter”in həbsdə olan azarkeş lideri Marko Ferdiko İndzaqiyə zəng edərək “Mançester Siti” ilə Çempionlar Liqasının finalına əlavə olaraq 200 bilet istəyib.

Ferdiko keçən ay mafiya əleyhinə əməliyyatda həbs edilən 19 ən qızğın fanat arasındadır.

Uzun, rahat və bitkin kimi xarakterizə edilən görüşdə İnzaqi bütün sualları cavablandırıb.

Məşqçi Ferdikonun çağırışının təhdiddən daha çox xahiş olduğunu və bunda qeyri-adi heç nə olmadığını bildirib.

"İnter"in vitse-prezidenti Xavier Zanetti, oyunçu Hakan Çalhanoğlu və "Milan"ın kapitanı David Kalabriya və başqaları yaxın həftələrdə prokurorların suallarını cavablandıracaqlar.