Ronaldo - Messi mübarizəsi qızışır

İspaniya La Liqasında 14-cü turun oyunları keçirilib.

Publika.az xəbər verir ki, “Qızıl top” uğrunda mübarizə aparan Ronaldoyla Messinin ilin sonunda nəylə yadda qalması maraqla izlənilir.

Bu mənada son turu hər iki futbolçunun aktivinə yazmaq olar. Həm argentinalı, həm də portuqaliyalı ulduz het-trik etməklə komandalarının qələbəsində önəmli rol oynayıblar.

Messi “Barselona”da 400-cü qolunu bayram edib, Ronaldo isə 23-cü dəfə het-trik etməklə İspaniyada bu uğura çatan yeganə futbolçu olub.

La Liqa 14-cü tur

6 dekabr

Elçe - Atletiko 0:2

Ximenes, 17. Mandzukiç, 53.

Atletik - Kordoba 0:1

Qilas, 23.

Real - Selta 3:0

Kriştiano Ronaldo, 36 -p.; 65; 81.

Deportivo - Malaqa 0:1

Darder, 22.

7 dekabr

Rayo Valyekano - Sevilya 0:1

Bakka, 8.

Barselona - Espanyol 5:1

Messi, 46; 50; 81. Pike, 53. Pedro, 77 - Serxio Qarsiya, 13.

Vilyarreal - Real Sosyedad 4:0

Bruno Soriano, 64. Çerişev, 73. Qomez, 80; 86.

Qranada - Valensiya 1:1

İsaak, 86 - Neqredo, 83.

“Eybar” - “Almeriya” və “Levante” - “Xetafe” oyunları bu gün axşam keçiriləcək.