İdman

“Turan Tovuz” “Səbail”lə bərabərə qaldı

1 Fevral 2025 19:36

Azərbaycan Premyer Liqasında XXI turun daha bir oyunu keçirilib.

Publika.az xəbər verir ki, “Turan Tovuz” öz meydanında “Səbail”lə görüşüb.

Qarşılaşmada qalib müəyyənləşməyib – 1:1.

Hesabı 29-cu dəqiqədə meydan sahibləri açıblar. Alexandro Serrano topu dəqiq zərbə ilə qapıdan keçirib. Tovuz təmsilçisi 43-cü dəqiqədə meydanda azlıqda qalıb. Müdafiəçi Kauan Martins sonuncu ümid foluna görə birbaşa qırmızı vərəqə görüb. İlk hissə ev sahiblərinin minimal hesablı üstünlüyü ilə yekunlaşıb. Qonaqlar məğlubiyyətdən oyunun sonlarına yaxın xilas olublar. Madi Keta sağ cinahdan gələn hava ötürməsi zamanı topu baş zərbəsi ilə tora qovuşdurub və yekun hesabı müəyyənləşdirib.

Bu nəticədən sonra xallarını 36-ya çatdıran “Turan Tovuz” 3-cü pilləyə yüksəlib. “Səbail” isə 16 xalla sonuncu, yəni 10-cu pillədə qərarlaşıb.