İdman

Qalmaqallı açıqlama: “İnter Mayami”ni Messinin atası idarə edir, ora getməyin

25 Sentyabr 2025 11:16

MLS-də iki ilini “DC United” və “Atlanta”da keçirən polşalı yarımmüdafiəçi Mateuş Klih qalmaqallı açıqlama verib.

Publika.az xəbər verir ki, o, “İnter Mayami” və komandanın hücumçusu Lionel Messini sərt tənqid edib:

“Messi orada oynadığı müddətdə “İnter Mayami”yə keçməyi tövsiyə etmirəm. Bu, tam fəlakətdir; insanlar gedir, məşqçilər və fizioterapevtlər ayrılır. Təşkilati baxımdan hər şey pisdir, hamı ispanca danışır. Messinin atası faktiki olaraq klubu idarə edir... Onun razılığı olmadan heç nə etmək mümkün deyil. Klubun özü də Mayamidən 45–50 dəqiqəlik məsafədə yerləşir.

Mən daha çox "Nyu-York Siti"ni tövsiyə edərdim. "Red Bulls"un artıq daha yaxşı stadionu var, amma "Siti" də möhtəşəm bir stadion inşa edir. Həmçinin "Kolumbus Kryu" və "Sinsinnati’ kimi klublar var ki, onların stadionları və infrastruktur səviyyəsi çox yaxşıdır, sadəcə orada yaşamaq çox darıxdırıcıdır”.

Heybət