“Bavariya”ya ardıcıl ikinci zərbə

Almaniya Bundesliqasında 19-cu tura start verilib. Dünən 4 oyun keçirilib.

Publika.az xəbər verir ki, ikinci dövrəyə məğlubiyyətlə başlayan “Bavariya” yenə xal itkisiylə üzləşib. “Volfsburq”a böyük hesabla uduzan (1:4) çempionun hirsini “Şalke”dən çıxacağı gözlənilsə də, oyunun gedişi planları dəyişib. Boatenqin 18-ci dəqiqədə meydandan qovulması qonaqların işini yüngülləşdirib. Düzdür, Çupo-Motinq penaltidən yararlana bilməyib. Meydan sahibləri ikinci hissədə hesabı açsa da, cəmi 5 dəqiqə sonra “status-kvo” bərpa olunub. Qalan dəqiqələrdə Pep Qvardiolanın yetirmələri nə qədər çalışsa da, say azlığı özünü göstərib.

Beləliklə, “Bavariya” cari mövsümdə “Alyans Arena”da ilk xal itkisiylə barışıb. Dünən keçirilən oyunlarda ən populyar hesab 1:1 olub. 4 qarşılaşmadan üçündə eyni hesab qeydə alınıb. Yalnız Münhenqladbax “Borussiya”sı “Frayburq” üzərində minimal hesablı qələbəyə sevinib. Turun qalan oyunları bu axşam keçiriləcək.

Almaniya Bundesliqa, 19-cu tur

3 fevral

Borussiya M - Frayburq 1:0

Herrmann, 23.

Bavariya - Şalke 1:1

Robben, 67 - Hovedes, 72.

Ayntraxt - Volfsburq 1:1

Ayqner, 57 - De Bruyne, 88.

Hannover - Maynts 1:1

Briad, 26 - Soto, 77.

4 fevral

23:00 Borussiya D - Auqsburq

23:00 Herta - Bayer

23:00 Hoffenhaym - Verder

23:00 Köln - Ştuttqart

23:00 Paderborn - Hamburq