İdman
Böyük, yoxsa kiçik “gəzinti”?
Çempionlar Liqasının 1/4 final mərhələsinin ilk oyunlarına dünən start verildi. Madrid derbisində “Atletiko” və “Real” “sülh” bağladısa (0:0), “Yuventus” “Monako”nu Turindən məğlubiyyətlə (0:1) yola saldı. Qalan iki oyun da bu gün keçiriləcək. “Bavariya” Portuya, “Barselona” Parisə səfər edəcək. Kağız üzərində favoritlər bəllidir. Bu səfərin favoritlər üçün böyük, yoxsa kiçik “gəzinti” olacağını 90 dəqiqədən sonra biləcəyik.
"Bavariya" "əjdaha" yuvasında
Çempionlar Liqası. 1/4 final, ilk oyun
23:45 Portu (Portuqaliya) – Bavariya (Almaniya)
Stadion: "Draqao".
Baş hakim: Karlos Velasko Karbalyo (İspaniya).
TV: İdman Azərbaycan, NTV+futbol 2.
Cəzalı: Markano (Portu).
Zədəli: Telyo, Cekson Martines (şübhəli) - Alaba, Benatiya, Riberi, Robben, Xavi Martines, Şvaynştayger, Ştarke.
Həm "Bavariya", həm də "Portu" öz qrupundan lider kimi mərhələ adlamışdı. "Bavariya" Bundesliqada izləyicilərini bir xeyli qabaqladığından "Portu"yla matça rahat hazırlaşır. "Əjdahalar" isə almanlarla oyundan öncə Portuqaliya çempionatında lider "Benfika"dan 3 xal geri qalır. Həm portuqaliyalılar, həm də almanlar 1/8 final mərhələsini çətinlik çəkmədən adlayıblar. "Bavariya" Ukrayna "Şaxtyor"unu, "Portu" isə "Bazel"i darmadağın edərək adını 1/4 finala yazdırıb. “Portu” və “Bavariya”nın yolları 4-cü dəfə kəsişir.
"Bavariya"nın ÇL-dəki çıxışı
Qrup mərhələsi
Bavariya - Mançester Siti 1:0
ÇSKA - Bavariya 0:1
Roma - Bavariya 1:7
Bavariya - Roma 2:0
Mançester Siti - Bavariya 3:2
Bavariya - ÇSKA 3:0
1/8 final
Şaxtyor - Bavariya 0:0
Bavariya - Şaxtyor 7:0
“Portu”nun ÇL-dəki çıxışı
Qrup mərhələsi
Portu - BATE 6:0
Şaxtyor - Portu 2:2
Portu - Atletik 2:1
Atletik - Portu 0:2
BATE - Portu 0:3
Portu - Şaxtyor 1:1
1/8 final
Bazel - Portu 1:1
Portu - Bazel 4:0
İbrasız PSJ-nin "Barselona" sınağı
Çempionlar Liqası. 1/4 final, ilk oyun
23:45 PSJ (Fransa) – Barselona (İspaniya)
Stadion: "Park de Prens".
Baş hakim: Mark Klattenburq (İngiltərə).
TV: Az.TV, NTV (Rusiya), NTV+futbol 1.
Cəzalı: İbrahimoviç, Verratti, Orye - Daniel Alveş.
Zədəli: David Luis, Motta - Vermalen.
Bu komandalar bir-birinə çox tanışdır. Belə ki, Çempionlar Liqasının cari mövsümündə bu klublar bir qrupda yer almışdılar. Parisdəki ilk oyunda meydan sahibləri 3:2, Barselonadakı matçda isə katalonlar 3:1 hesabıyla qalib gəlmişdilər. Bir il əvvəl isə 1/4 finala təsadüf edən duelin taleyini “Barselona”nın səfərdə daha çox qol vurması həll etmişdi – 2:2, 1:1.
Bu komandalar arasında 1/4 finalın ilk oyununda parislilər əsas hücumçusu Zlatan İbrahimoviçin xidmətindən istifadə edə bilməyəcək. Belə ki, isveçli hücumçu "Çelsi"ylə 1/8 finalın cavab oyununda qırmızı vərəqə aldığından katalonlarla ilk oyunu buraxmalı olacaq. Ancaq parislilərin "Zadəganlar"ın öhdəsindən Zlatansız gəldiyini nəzərə alsaq, PSJ-nin bu itkidən o qədər də əziyyət çəkməyəcəyi görünür. Hər iki komanda öz ölkəsinin lideridir. PSJ ən yaxın izləyicisi "Lion"u 1 xal, "Barselona" isə "Real"ı 2 xal qabaqlayır.
PSJ-nin ÇL-dəki çıxışı
Qrup mərhələsi
Ayaks - PSJ 1:1
PSJ - Barselona 3:2
APOEL - PSJ 0:1
PSJ - APOEL 1:0
PSJ - Ayaks 3:1
Barselona - PSJ 3:1
1/8 final
PSJ - Çelsi 1:1
Çelsi - PSJ 2:2 (əlavə vaxtda)
“Barselona”nın ÇL-dəki çıxışı
Qrup mərhələsi
Barselona - APOEL 1:0
PSJ - Barselona 3:2
Barselona - Ayaks 3:1
Ayaks - Barselona 0:2
APOEL - Barselona 0:4
Barselona - PSJ 3:1
1/8 final
Mançester Siti - Barselona 1:2
Barselona - Mançester Siti 1:0
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin126 Aprel 21:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə26 Aprel 21:10
Qırmızı işıqda keçən nazirin maşını aşdı - FOTO
-
Magazin126 Aprel 20:22
Müğənni Yalının qohumu sevgilisi tərəfindən qətlə yetirildi - FOTO
-
Dünya26 Aprel 19:57
Zelenski onu yeni vəzifəyə təyin etdi