Vatsapda İNANILMAZ HİYLƏ: sizə göndərilib silinən mesajlar...

Vatsapda qarşı tərəfin sildiyi və sizin görə bilmədiyiniz mesajları oxumaq mümkündür.

Publika.az xarici mətbuata istinadən xəbər verir ki, bir müddət əvvəl təklif edilən yenilənmədən sonra kiməsə göndərdiyiniz mesajı o şəxs görmədən silmək mümkün idi. Ancaq sizə gələn bir mesajın silindiyini bildikdən sonra oxumaq istəyirsizsə, bu üsuldan istifadə edin: danışdığınız şəxs sizə gələn mesajı silibsə, Vatsapı telefonunuzdan silin və təkrar yükləyin. Bu prosesi həyata keçirdikdən sonra keçmiş mesajlar arxivlənmiş olacaq. Belədə silinmiş mesajları da görmək imkanınız yaranacaq.

Silinən mesajları görmənin başqa bir yolu da var. Bunun üçün Android sistemli telefonlar üçün xüsusi proqram yükləyə bilərsiniz. Vatsap silinən mesajların gəlmə xəbərdarlığını da silsə belə, bu cür proqramlar mesajları silinmədən arxivləşdirə bilir. Ancaq belə proqramların etibarlılığı həmişəki kimi sual altındadır.

Vatsap rəsmiləri yəqin ki, bu xətanı aradan qaldırmaq üçün növbəti yenilənmə təklif etməyi planlaşdırır. Lakin bu yenilənmənin nə zaman olacağı bilinmir.