Ekopublika.az

ABŞ OPEK-i üstələyir

28 Mart 2016 14:38

Hazırda Amerika Birləşmiş Ştatları dünya neft bazarına OPEK ölkələrindən daha təsirli gücə malikdir. Onun neft ehtiyatları ilə bağlı ABŞ enerji İdarəsinin – Beynəlxalq Enerji Agentliyinin (EİA) açıqladığı hesabatlar dərhal London və Nyu-York əmtəə birjalarında “qara qızılın” qiymətinin müəyyən edilməsində xüsusi rola malik olur.

Publika.az Caspian Barrel-ə istinadən xəbər verir ki, əgər 1983-2005-cü illərdə ABŞ-da neft istehlakı 36,5% artaraq gündəlik 20,9 milyon barel səviyyəsinə çatmışdısa, 2006-cı ildən başlayaraq 2013-cü ilə qədər 9% azalaraq 18,9 milyon barel təşkil edib.

Hasilata gəlincə, 2005-ci ildə ABŞ-da gündə 5,18 milyon barel neft çıxarılırdısa, 2014-cü ildə bu göstərici 8,7 milyon barelə qədər yüksəlmişdi. 2015-cı ildə hasilat 9,5 mln bareli ötsə də, son məlumatlara görə hazırda 9,038 milyon barel təşkil edir.

İqtisadiyyat şöbəsi