Ekopublika.az

Mərkəzi Bankdan MƏZƏNNƏ REJİMİ açıqlaması

17 May 2016 12:52

Yeni məzənnə rejiminin tətbiqi Mərkəzi Bankın ehtiyatlarının zəruri səviyyədə qorunmasına imkan verir.

Bu barədə Publika.az-a Mərkəzi Bankdan bildirilib.

Qeyd edilib ki, Hazırda Mərkəzi Bankın valyuta ehtiyatları 4 mlrd. dollar təşkil edir. Bununla belə Mərkəzi Bankın valyuta ehtiyatları 2016-cı ilə gözlənilən 3 aylıq mal və xidmət idxalını əhəmiyyətli üstələyir. Xarici valyuta ehtiyatlarının M2 pul aqreqatına nisbəti isə 70%-dir ki, bu da tətbiq olunan yeni məzənnə rejimi üçün tələb olunan səviyyədən bir neçə dəfə çoxdur. Dövr ərzində manatın rəsmi məzənnəsi banklararası əqdlər üzrə orta məzənnəyə bərabər götürülüb. Bu, o deməkdir ki, rəsmi məzənnə tam olaraq orta bazar məzənnəsini özündə əks etdirib.

İqtisadiyyat şöbəsi