Magazin1

Türkiyəli müğənnidən Aygün Kazımovaya TƏKLİF

14 Dekabr 2015 11:45

Xalq artisti Aygün Kazımovanın daha bir türk müğənnisi ilə duet ifa edəcəyi gözlənilir.

Publika.az-a açıqlama verən konsert təşkilatçısı Nahid Emiloğlu Aygün Kazımova üçün sürpriz hazırlandığını bildirib. O, türkiyəli müğənni Çeliklə Aygün Kazımovanın Yeni il gecəsi konsert hazırlıqlarından danışarkən, türkiyəli sənətçinin xalq artistimizə duet təklif edəcəyini bildirib:

“Bilirsiniz ki, Çelik Türkiyədə təkcə müğənni kimi deyil, bəstəkar kimi də məşhurdur və əksər mahnılarının müəllifi özüdür. Hazırda gözəl bir mahnısı var və həmin mahnını Azərbaycanın divası Aygün Kazımova ilə birlikdə ifa etmək niyyətindədir. Aygün xanımın bu təklifə necə cavab verəcəyini bilmirəm. Yəqin ki, mahnını dinləyib bəyənər”.

Qeyd edək ki, Aygün Kazımova və Çelik dekabrın 31-i paytaxtın əyləncə mərkəzlərindən birində eyni səhnəni bölüşəcəklər.

İsa Şükürov