Magazin1

Əminə Dilbazinin doğum günüdür- FOTOLAR

26 Dekabr 2015 16:25

“İnnabı”, “Tərəkəmə”, “Vağzalı”, “Turacı”, “Naz eləmə” rəqslərini xalqımıza sevdirən rəqqasə, xalq artisti Əminə Dilbazinin doğum günüdür.

Publika.az xəbər verir ki, 1919-ci ildə Qazaxda anadan olan Əminə Dilbazi 1959-cu ildə Azərbaycan Tibb İnstitutunun yaratdığı “Çinar” tələbə rəqs kollektivinə rəhbərlik edib. 1967-ci ildə “Sevinc” qızlar ansamblını yaradıb. 1949-cu ildən Xoreoqrafiya Məktəbində pedaqoji fəaliyyət göstərib. 1957-ci ildə Moskvada tələbə və gənclərin 6-cı ümumdünya festivalında qızıl medala layiq görülüb.

Repertuarına rus, ukrayna, özbək, ərəb rəqsləri də daxil olan Əminə Dilbazi milli kinomuzun ən gözəl nümunəsi sayılan “Arşın Mal Alan” və “O olmasın, bu olsun” filmlərində də iştirak edərək, rəqslərə quruluş verib.

Rəqqasə 2010-cu il aprelin 30-da Bakıda vəfat edib.

Cəvahir