Magazin1
“Hələ çox açıq-saçıq işlərdə iştirak edəcəm”: RÖYA geyimlərini SƏRGİLƏDİ
Xəbər verdiyimiz kimi, dünən Əməkdar artist Röya Ayxanın imza günü və eyni zamanda, 15 illik səhnə geyimlərinin sərgisi keçirilib.
Publika.az xəbər verir ki, "Gənclik Mall"da heyranları ilə görüşən sənətçi ticarət mərkəzində hərəkəti dondurub.
İfaçını görmək, onunla şəkil çəkdirmək və avtoqraf almaq üçün Röyasevərlər arasında izdiham yaşanıb.
Əməkdar artist onun üçün ayrılmış səhnəyə çıxaraq gələn qonaqları salamlayıb:
“Bu görüşü sizinlə etdik, ona görə ki, neçə illərdir sizinlə çiyin-çiyinə oxuduğumuz mahnıları, konsertləri, klipləri yenidən xatırlayaq. Çox sevinirəm ki, bu gecə baş tutdu. Gələn dostlarımın, sevənlərimin hamısına təşəkkür edirəm”.
Gecədə fanatlarının ürəyini qırmayan Röya hər kəslə bir-bir şəkil çəkdirib. İmza mərasimindən sonra müğənni ticarət mərkəzinin ikinci mərtəbəsində geyimlərinin kolleksiyasının nümayişini hər kəslə birlikdə izləməyə qalxıb.
İkinci mərtəbədə də müğənni ilə şəkil çəkdirmək istəyən fanatların əlindən ticarət mərkəzində hərəkət iflic olub.
Sonda isə müğənni media nümayəndələrinə də vaxt ayırıb, jurnalistlərin suallarını cavablandırıb. O, gecə Türkiyəyə yola düşəcəyini bildirib:
“İki saatdan sonra Türkiyəyə uçuram. Bugünkü görüş bəhanə idi. Hamını yaxından görmək istədim. Sonadək danışa bilmədik. Ancaq istədim o tənqidləri, konsertləri, geyimləri yada salım. Hələ mən çox açıq-saçıq, hərdən qapalı işlərdə iştirak edəcəyəm. Mənim üçün sərgidəki ən özəl geyimlər 2010-cu ildə keçirilən “Sürpriz” konsertimdəki lələkli, 2005-ci ildəki kamuflyaj, 2014-cü il “Mənəm” konsertindəki şüşəli geyimlərdir. 2005-ci il mənim üçün ilk addım idi, ona görə mənə əzizdir. Lələkli geyimdə isə mən artıq ana idim”.
Tədbir zamanı sadə geyimə üstünlük verən R.Ayxan bunun səbəbini isə belə açıqlayıb:
“Qarderobuma baxsanız, belə geyimim daha çoxdur. Adi həyatda səhnə geyimləri kimi paltarlardan istifadə etmirəm”.
Daha sonra ifaçı ev işlərində də məharətli olduğundan söhbət açıb:
“Hamı elə bildi ki, yekə arvad olacam, ətli-mətli, evdə kartof qızardacağam. Düzünü desəm, edirəm də. Qab yuyuram, ev süpürürəm. Mənə deyirlər ki, sən axı qadınsan, qab yuyan deyilsən. Ancaq qab yumaq üçün ölürəm, bir toyun qabını yuyaram. Bozbaş bişirməyi, vermişel hazırlamağı sevirəm. Mən bişirəndə başqa dadı olur. Pomidor-yumurta hazırlamaq isə çox çətindir. Saat yarıma bişir”.
Müğənni yediyi yeməklərə baxmayaraq, necə formada qalmağı barədə belə açıqlama verib:
“Mənə iki gün arıqlamaq üçün bəs edir. Paltarı görürəm və deyirəm ki, iki günə səni geyinəcəyəm. İki gün sonra artıq istədiyim kiloda oluram”.
Türkiyədəki işlərindən də söhbət açan müğənni yenidən türk həmkarı ilə duet oxuyacaq:
“Orada toplantı olacaq. İki sənətçi var, ola bilər ki, duet oxuyum. Bakı üçün Nihat Odabaşı ilə iki klip hazırlayacağıq. Duet ortağım isə eyni şirkətdə çalışdığım müğənnilər olacaq. Ən yaxınlarım Hande Yener və Gülşendir. Onlara təklif etmərəm, utanaram. Yaxşı deyil. Hande Yenerlə ola bilər, çünki ikimiz də “Poll Production”la çalışırıq.
Pərviz Hüseyn
-
ABŞ11:06
Ağ Evdə gizli görüş: İran vurulacaq?
-
Magazin110:29
Azər Baxşəliyevin son durumu necədir?
-
Pul09:24
Azərbaycan manatının nominal effektiv MƏZƏNNƏSİ ARTDI
-
Dünya08:24
Çin Tayvana görə ABŞ-dan belə QİSAS ALDI
-
Magazin207:30
Yeni ildə eşqini elan etdi
-
Magazin205:15
Günel Ferdi Tayfurla FOTOLARINI PAYLAŞDI
-
ABŞ04:14
Daha bir ölkədə TƏYYARƏ QƏZASI: ölən və çox sayda yaralanan var - VİDEO
-
Hadisə03:43
Azərbaycanda müəmmalı ölüm: mərhumun həyat yoldaşı hər şeyi danışdı - VİDEO