Magazin1

Aşıq Tellinin adından dələduzluq: “Toy üçün beh alıb...”

10 Oktyabr 2024 14:28

Aşıq Telli Borçalıya qarşı dələduzluq edilib.

Publika.az xəbər verir ki, bu barədə o, Nanə Ağamalıyevanın “ATV”də yayımlanan verilişində deyib.

“Nə “Instaqram”ım var, nə də “Facebook”um. Heç bir sosial şəbəkələrdə yoxam. Amma adımdan sosial şəbəkələrdə istifadə edilir. Yazırlar ki, “Tellinin şəxsi səhifəsi”. Sən kimsən axı? Hətta həmin şəxsə səs yazısı da göndərmişik. Cavab verməyib.

Deyirlər ki, Telli, sənə “Instaqram”da yazmışdıq. Deyirəm, nə “Instaqram”, nə “TikTok”? Bir nəfər hətta ağladı. Ona deyiblər ki, Tellinin prodüseriyəm, toy üçün beh alıblar. Adam da mənə deyir ki, səni ayın 9-u toya dəvət etmişik. Mən də deyirəm ki, həmin vaxt Goranboyda toydayam. Dedi ki, onunla danışan şəxsin nömrəsi də yoxdur, hamısını bağlayıb. Demişəm, bununla məşğul olacaqlar”