“Biri çıxıb güllə vursun mənə, ölüb aradan çıxım” - VİDEO

Müğənni Tacir Şahmalıoğlu həmkarı Manaf Ağayevin sözlərinə sərt münasibət bildirib.

Publika.az milli.az-a istinadla xəbər verir ki, o, Sahib İbrahimovun onun sənətini müdafiə etməsinə Manafın cavabına etiraz edib:

"Sahib İbrahimovu çox istəyirəm. Ədalət naminə mənim sənətimi digər oxuyanlara qarışdırmayın deyib. Onu susdurmağa çalışırlar. Susdurulanlarla, susanların hesabına mən və oğlum Konservatoriyanı bitirə bilmədik. Bu ədalətsizlik nə vaxta qədər davam edəcək?

Bunların içindən biri çıxıb güllə vursun mənə, ölüb aradan çıxım. Bunlar da rahat olsunlar, amma mənim ölməyimlə bitir hər şey? İndiyənə qədər oxuduğum hələ 2 əsr də danışılacaq, qulaq asılacaq.

Sahib İbrahimov heç kimin şəxsiyyətinə toxunmadı. Dedi ki, Tacirin tərzi Arif Babayev, Yaqub Məmmədov səpkidə olan oxumaqdır. Mənə olunan haqsızlığa dözmədi. Bəlkə, Sahib İbrahimovun sözü Manafa toxunub. Olmaz ki, onun düz cümləsinə təkan versinlər?

Bu meydan, bu şeytan. Kimin ürəyi istəyir, gəlib mənimlə yarım saat oxusun. Elə yerlərə aparıb çıxardacağam ki, deyəcək mən haradayam?"