Magazin2

Məşhurlar qırmızı xalıda ÇILPAQLIQ YARIŞINA çıxdı - FOTOLAR

21 Avqust 2018 18:30

Musiqi dünyasının ən prestijli mükafatlarından sayılan MTV Video Musiqi Mükafatlarının laureatları açıqlanıb.

Publika.az xəbər verir ki, ABŞ-ın Nyu York şəhərində dünən baş tutan gecədə namizədlər və mükafatlardan çox məşhurların qırmızı xalıdan keçid rəqabəti diqqət çəkib.

Gecəyə aldığı mükafatlarla damğa vuran ulduz Kuba əsilli amerikalı müğənni Kamila Kabello olub. İlin “video klipi” və “ilin müğənnisi” kateqoriyalarında Dreyk, Ariana Qrande və Bruno Mars kimi namizədləri geridə qoyan Kamila Kabello mərasimdə iki mükafat alıb. “İlin ən yaxşı mahnısı” “Rokstar” mahnısına verilib. Ən yaxşı debüt edən müğənni isə Kardi B olub.

Ulduzların axınının yaşandığı gecədə qadınlar bir-biriləri ilə gözəllik yarışına çıxıb. Rita Ora, Kardi B, Klay Cenner, Cennifer Lopez və Niki Minaj kimi ulduzlar iddialı libasları ilə diqqətləri üzərlərinə toplayıb.

Mərasimdən görüntüləri təqdim edirik: