Magazin2

Kənan Doğulu Berenə olan eşqini sətirlərə tökdü

30 İyul 2020 11:58

Bu yaxınlarda verdiyi müsahibədə Kənan Doğulu ilə münasibətlərinin qaydasına düşdüyünü, aralarındakı bağlılığın möhkəmləndiyini qeyd edən Beren Saat həyat yoldaşı ilə evliyinin 6-cı ilini qeyd edib.

Publika.az xəbər verir ki, bu münasibətlə Kənan Doğulu xanımını sosial şəbəkə üzərində təbrik edib və eşqini sətirlərə töküb:

“İllər tez axıb keçdi, bir yaşımız daha tamam oldu. Dözərək böyüyən sevgim və hörmətim xoşbəxtliyimə rəhbər, işıq oldu. Hər keçən gün daha yaxşı tanımaq və sarılmaq, hər ağırlığı birlikdə aşmaq, yalnızlıqdan uzaq, bir o qədər güvənmək nə gözəl bir duyğudur. Nə şanslıyam ki, səni görmüşəm, bilmişəm və sevmişəm. Dünyama qatdığın gözəlliklər, sevildiyimi hiss etmək, hər an üçün verdiyin ilhamverici kəlimələr, notlara tökdüyüm mahnılarım sənin üçündür. Okean qəlbli sevgilim, ildönümümüz mübarək”.