Ciqan xidmətçiləri girov götürdü, öz mühafizəçisini yaraladı

Rusiyalı reper Ciqanın (əsl adı Denis Ustimenko-Vaynşteyn) Moskva vilayətindəki evində silahlı insident törətdiyi və xidmət personalı ilə mühafizəçiləri təxminən 10 saat girov saxladığı bildirilib.

Publika.az xəbər verir ki, "Mash" Teleqram kanalının məlumatın görə, hadisə iyulun 3-dən 4-nə keçən gecə “Şato Sovren” kottec qəsəbəsində baş verib. Məlumata görə, reper evində çalışanları qonaq otağına toplayıb və onları müxtəlif cinayətlərdə, o cümlədən xəyanətdə ittiham edib.

Bildirilir ki, Ciqan mühafizəçilərdən birini pedofiliyada ittiham edib, ondan bunu etiraf etməsini tələb edib və daha sonra atəş açıb. Mühafizəçinin qolundan və ayağından yaralandığı qeyd olunur. Digər əməkdaşlara qarşı da atəş açıldığı bildirilib.

Hadisə zamanı reperin uşaqlarının da evdə olduğu, onların şkaflarda gizlənərək baş verənlər barədə analarına məlumat verdikləri deyilir. Qonşuların atəş səslərini eşidərək polisə xəbər verdiyi, nəticədə Ciqanın zərərsizləşdirildiyi bildirilir.

Məlumata görə, hadisədən sonra reper İsraildəki reabilitasiya mərkəzlərindən birinə göndərilib.

Adəm