Afra Saraçoğlunun narkotik testi müsbət çıxdı - Aktrisadan açıqlama

Türkiyəli aktrisa Afra Saraçoğlunun narkotik istifadəsi ilə bağlı araşdırma çərçivəsində aparılan testinin nəticəsi məlum olub.

Publika.az xəbər verir ki, bu barədə “Haber7” məlumat yayıb.

Bakırköy Respublika Baş Prokurorluğunun apardığı araşdırma çərçivəsində saxlanılan aktrisanın saç nümunəsində kokain maddəsi aşkarlanıb. Onun evində aparılan axtarış zamanı isə hər hansı qanunsuz maddə aşkar edilməyib.

Test nəticəsinin müsbət çıxmasından sonra Afra Saraçoğlu sosial media hesabında açıqlama yayıb. Aktrisa qanunsuz maddə istifadəsinə qarşı olduğunu və belə maddələrin həyatında yerinin olmadığını vurğulayıb.

Saraçoğlu saç analizində maddə izinin çıxmasını iştirak etdiyi izdihamlı tədbirlərdə passiv məruz qalma və ya təmasla əlaqələndirib. Aktrisa qan və sidik analizlərinin təmiz olduğunu da qeyd edib.

“Araşdırmadan xəbər tutan kimi xaric səfərimi yarımçıq qoyaraq öz istəyimlə ölkəmə qayıtdım və prosesin əvvəlindən etibarən məhkəmə-hüquq orqanlarımızla tam əməkdaşlıq çərçivəsində hərəkət etdim. Belə bir məsələ ilə gündəmə gəlmək ən son istəyəcəyim şey idi. Bu səbəbdən sizi və ictimaiyyətin gündəmini məşğul etdiyim üçün səmimi qəlbdən üzr istəyirəm”, - deyə aktrisa bildirib.

Müəllif: Roza