Məşhur aktyorun 13 yaşlı qızı niyə ölüb?

Amerika aktyoru Çad Loun qızı Fionanın ölüm səbəbi açıqlanıb.

Publika.az “People” nəşrinə istinadla xəbər verir ki, 13 yaşlı qız intihar edib.

Məhkəmə-tibbi ekspertinin açıqlamasına əsasən, Fionanın ölüm faktı çərşənbə axşamı, sentyabrın 29-da gecə saat 01:14-də qeydə alınıb. O, xəstəxanada dünyasını dəyişib.

Özünəqəsdin təfərrüatları açıqlanmır.

Bundan əvvəl Lou ailəsi Fionanın ölümünü elan edərək onu “ağıllı, təşəbbüskar və rəqs etməyi sevən qayğıkeş gənc qız” kimi təqdim etmişdi.

Qızın yaxınları hüzn mesajında həmçinin psixi sağlamlıqla bağlı çətinliklər yaşayan insanları mütəxəssislərə kömək üçün müraciət etməyə çağırıblar.

Çad Lou prodüser Kim Peynterlə evlidir. Fionanın vəfatından sonra onların iki qızı qalıb: 17 yaşlı Meybl Peynter və on yaşlı Niksi Barbara.

Lou “Gözəl yalançılar” serialındakı baş qəhrəmanın atası və “Spenser” sitkomundakı baş rol ilə tanınır. O, həmçinin “Melrouz Pleys”, “Ən yaxşılar”, “İndi və ya heç vaxt”, “Təcili yardım” və “24 saat” layihələrində çəkilib. 1993-cü ildə aktyora dramatik teleserialda ikinci plan üzrə ən yaxşı kişi roluna görə “Emmi” mükafatı təqdim olunub.

Hüseyn İbadlı