Elektrikli avtomobillə nə qədər qənaət edə bilərik?

Rusiyada elektromobildən istifadə edərkən qənaət ildə 50 min ildən 200 min rublə qədər ola bilər. Maksimum fayda müntəzəm şəhəridxili səfərlər və evdə doldurma zamanı əldə edilir, bunu

Publika.az xəbər verir ki, bunu Gazeta.ru-ya “Avtodom” və “AvtoSpesSentr” Şirkətlər Qrupunun kommunikasiyalar direktoru Anna Utkina bildirib.

“İllik 20 min kilometr yürüş zamanı elektromobilin evdə doldurulması təxminən 21,6 min rublə başa gələcək. Benzinlə işləyən avtomobil sahibinin müqayisə olunan yürüş zamanı yanacaq və planlı texniki xidmət üzrə xərcləri 150 min rubla çata bilər. Təkcə enerji və yanacaq dəyərindəki fərq təxminən 120 min rubl təşkil edəcək. Əlavə olaraq, elektromobil xidmət xərclərini azaltmağa imkan verir. Elektromobilin servisə hər səfəri üzrə orta çek 4945 rubl təşkil edir. Bu, daxili yanma mühərrikli avtomobilə qulluq edilməsi ilə müqayisədə demək olar ki, üç dəfə azdır”, – deyə Utkina qeyd edib.

Onun sözlərinə görə, elektromobilin alınması ildə 15 min ilə 30 min kilometr arası yürüş, üstünlük təşkil edən şəhər istismarı və maşını evdə doldurmaq imkanı olduqda iqtisadi cəhətdən əsaslandırılmış olur. Ekspert vurğulayıb ki, belə şəraitdə enerji və xidmət xərcləri xeyli aşağı olur.

“Əgər yürüş azdırsa və ya yalnız kommersiya doldurma şəbəkəsi əlçatandırsa, fayda azalır, ona görə də hər şeyi fərdi şəkildə hesablamaq lazımdır”, - deyə Utkina vurğulayıb.

Onun sözlərinə görə, evdə enerji yığmaq xüsusilə gecə tarifindən istifadə edildikdə sərfəlidir, kommersiya stansiyalarında isə elektrik enerjisi təxminən üç dəfə baha başa gələ bilər. Bundan əlavə, sürücü bəzi modellər üçün kasko sığortasının yüksək qiymətini nəzərə almalıdır.

Moskvada və bir sıra digər regionlarda elektromobil sahibləri nəqliyyat vergisindən azad olunublar və ya regional güzəştlərdən yararlanırlar. Utkinanın qiymətləndirməsinə görə, bunun sayəsində böyük şəhərdə ümumi qənaət ildə 150–200 min rublə çata bilər.

Ekspert qeyd edib ki, sahiblik dəyərinin tam hesablanması zamanı həmçinin alış qiyməti, evdə doldurma stansiyasının quraşdırılması, təmir, akkumulyatorun vəziyyəti və maşının sonrakı satış dəyəri nəzərə alınmalıdır. İllik yürüşü az olan sürücü üçün elektromobilin daha yüksək ilkin qiyməti sahiblik dövründə özünü doğrultmaya bilər.

Hüseyn İbadlı