Maraq dünyası

“Zənginlərin musiqisi” fəhlələrə necə təsir edə bilər?

14 Yanvar 2018 12:38

Hələ ötən əsrin 90-cı illərində psixoterapevtlər belə bir müalicə növü ortaya atmışdılar - “Motsart effekti”. İsbat olunmuşdu ki, klassik musiqini dinləmək iş qabiliyyətini artırır. 1993-cü ildə isə bununla bağlı təcrübə aparılmışdı. Tələbələrə Motsartın musiqisi sədası altında tapşırıq verilmişdi və onlar tapşırığın öhdəsindən daha yaxşı gəlmişdilər. Bundan başqa klassik musiqinin fiziki əməyə də yaxşı təsir etdiyi bildirilirdi. Daha bir təcrübə böyük zavodda aparılmışdı. Yenə Motsart fəhlələrə işini 10% daha yaxşı görməyə imkan yaratmışdı.

Publika.az xəbər verir ki, hazırda isə alimlərin fikri haçalanıb. “Zənginlərin musiqisi” fəhlələrə necə yaxşı təsir edə bilər”, - deyə mülahizələr yürüdürlər. Deyirlər ki, bu metod hər klassik musiqiyə şamil edilə bilməz. Bəzi klassik musiqilər insana yuxu gətirməkdən başqa işə yaramır.