Maraq dünyası

Turistlərin ən çox axın etdiyi ŞƏHƏRLƏR

8 Noyabr 2017 11:45

“Euromonitor International” analitik şirkətləri il ərzində turistlərin axın etdiyi Top-100 şəhərlərin reytinqini tərtib edib.

Publika.az bildirir ki, 2017-ci ildə turistlərin ən çox getdiyi şəhərlərin siyahısında birinci yeri Honkonq tutur. Məlumatlara görə, bu il Honkonqu artıq 25.7 milyon turist ziyarət edib.

İkinci yeri Bankok - cari ilin 8 ayı ərzində 23.3 milyon insana qapısını açıb. 19.8 milyonla isə London ilk üçlüyü bağlayır.

İlk onluqda həmçinin Sinqapur - 17.6 milyon turist, Makao 16.3 milyon, Dubay 16.6 milyon, Paris 14.3 milyon, Nyu-York 13.1 milyon, Şençjen 13 milyon və Kuala-Lumpur 12.8 milyonla yer alır.

Zaur H.