Yaşlı kişinin mənzilindən 250 it tapıldı - Video+Foto

Böyük Britaniyada maraqlı hadisə baş verib.

Publika.az BBC-yə istinadən xəbər verir ki, heyvan hüquqları müdafiəçiləri bir evdə 250 it aşkar ediblər.

Qeyd edilib ki, Heyvanlara Qarşı Qəddarlığın Qarşısının Alınması üzrə Kral Cəmiyyəti (RSPCA) yaşlı bir kişinin cütləşməyə nəzarəti itirməsi və heyvanları kritik vəziyyətdə qoymasından sonra 87 cins iti şəxsi evdən xilas edib. Qalan 163 heyvan Böyük Britaniyanın "Dogs Trust" xeyriyyə təşkilatına təhvil verilib. Köpəklərin çirkli və uzanmış, bir-birinı dolaşan tükləri olub, onlar dərilərinin iltihablanmasından və ağır stressdən əziyyət çəkiblər. Hətta bəzi itləri evdən qucaqda çıxarmaq lazım gəlib.

Xilasetmə əməliyyatı yanvar ayında qonşunun bu anormal durumla bağlı xəbər verməsindən sonra baş tutub. Darısqal qonaq otağına yerləşdirilən onlarla heyvanın fotoları ictimaiyyəti şoka salıb. Hətta sosial şəbəkələrdə geniş müzakirələrə səbəb olan bu foto bir çox insan tərəfindən real qəbul olunmayıb. İnsanlar iddia ediblər ki, bu, süni intellektlə hazırlanıb. Lakin təşkilat fotoların orijinal olduğunu təsdiqləyib.

Müəllif: Tural