İtkin düşən hotel sahibinin cəsədi timsahın mədəsində tapıldı - FOTO/VİDEO

Cənubi Afrikada itkin düşən hotel sahibinin cəsədini tapmaq üçün polis dalğıcı vertolyotla timsahla dolu çaya endirilib.

Publika.az axşam.az-a istinadən xəbər verir ki, 59 yaşlı Qabriel Batista şiddətli daşqın zamanı itkin düşüb. Polis onun bataqlıq sularda gizlənən ac timsah tərəfindən yeyildiyindən şübhələnib. Dörd günlük dron müşahidəsindən sonra qruplar timsahı tapıblar. Zərərsizləşdirildikdən sonra timsah adadan havaya qaldırılıb.

Yarım tonluq timsah yaxınlıqdakı Kruger Milli Parkına endirilib və orada itkin düşmüş iş adamını yeyib-yemədiyini müəyyən etmək üçün mədəsi açılıb. Cənubi Afrika Polis Kapitanı Coi Potgieter tərəfindən aparılan araşdırma dəhşətli həqiqəti ortaya çıxarıb: timsahın mədəsində iki kəsilmiş qol, bir qabırğa sümüyü və toxuma parçaları tapılıb.

Qabriel Batistaya məxsus olduğu güman edilən üzük də onun barmaqlarından birində tapılıb. Cəsədin şəxsiyyətini təsdiqləmək üçün DNT testləri aparılıb. Mədəsində daha altı cüt ayaqqabı tapılıb.