Maraq dünyası

NASA-dan möhtəşəm layihə: Ayın görünməyən tərəfi...

11 May 2026 13:30

"Artemida-2" missiyasının komandiri və NASA-nın astrofotoqrafı Ayın sirli qalan əraziləri ilə bağlı maraqlı əməkdaşlığa imza atıblar.

Publika.az xəbər verir ki, layihə çərçivəsində Ayın Yer kürəsindən görünməyən əks tərəfinin heyranedici və indiyədək heç yerdə yayımlanmamış görüntüləri əldə edilib.

"Artemida" proqramı çərçivəsində reallaşan bu təşəbbüsün əsas məqsədi Ay səthinin vizual məlumatlarını yeniləmək və Yer sakinləri üçün əlçatmaz olan bölgələri tədqiq etməkdir. Kosmik şəraitə uyğunlaşdırılmış xüsusi avadanlıqlarla çəkilən fotolar Ayın relyefini, kraterlərini və geoloji xüsusiyyətlərini bütün detalları ilə görməyə imkan verir.

Mütəxəssislər bildirirlər ki, bu layihə təkcə elmi əhəmiyyət daşımır, həm də geniş auditoriyanın kosmosa olan marağını artırmağa xidmət edir.

"Artemida-2" missiyasının uğurla icrası bəşəriyyətin yenidən Ay orbitinə qayıtması və gələcək pilotlu uçuşlar üçün mühüm hazırlıq mərhələsi hesab olunur.

Müəllif: Adəm