Dünyanın ən yaxşı hotellərinin siyahısı - Fotolar

"Travelers" Choice Awards 2026: Best of the Best Hotels” reytinqinə əsasən dünyanın ən yaxşı hoteli İndoneziyanın Bandunq şəhərində yerləşən GH Universal Hotel seçilib.

Publika.az xəbər verir ki, reytinq məşhur səyahət platforması "Tripadvisor" istifadəçilərinin rəyləri əsasında tərtib olunub.

Qeyd edilib ki, beşulduzlu hotel geniş daxili həyəti və hovuzu, SPA mərkəzi, fitnes zalı, 24 saat işləyən restoranı və İndoneziyada yeganə lüks ev heyvanları hoteli - GH Universal Pet Inn ilə seçilir.

İlk 3-lük belə tamamlanıb:

İkinci yerdə Braziliyanın Qramado şəhərində yerləşən Colline de France qərarlaşıb. Ötən il lider olan hotel bu dəfə bir pillə geriləyib.

Üçüncü yeri isə İtaliyanın Livinyo bölgəsində fəaliyyət göstərən Sporting Family Hospitality tutub.

Dünyanın ən yaxşı 10 hoteli:

Royal Lancaster London (London, Böyük Britaniya)
FivePine Lodge and Spa (ABŞ, Oreqon)
La Siesta Hoi An Resort & Spa (Vyetnam, Hoian)
Abigail's Hotel (Kanada, Viktoriya)
Bucuti & Tara Beach Resort Aruba (Aruba, Eagle Beach)
Hotel Moments Budapest (Macarıstan, Budapeşt)
La Sinfonía del Rey Hotel & Spa (Vyetnam, Hanoy)

Ən yaxşı şəhər də açıqlanıb

Bununla yanaşı, 2026-cı ildə səyahət üçün dünyanın ən yaxşı şəhəri də seçilib. Bu ada Avstraliyanın ən böyük şəhərlərindən biri olan Melbourne layiq görülüb.

Ekspertlər Melburnu zəngin kulinariya ənənələri, canlı küçə həyatı və damüstü barları ilə fərqləndiriblər.

Adəm