42 ildən sonra yenidən geyindi: Şahzadə Annadan diqqətçəkən seçim - FOTO
Bizi izləyin
Zəfaran

Maraq dünyası

42 ildən sonra yenidən geyindi: Şahzadə Annadan diqqətçəkən seçim - FOTO

42 ildən sonra yenidən geyindi: Şahzadə Annadan diqqətçəkən seçim - FOTO

Böyük Britaniya kral ailəsinin üzvü, mərhum II Elizabetın yeganə qızı və III Çarlzın bacısı Şahzadə Anna 42 il əvvəl geyindiyi libasla ictimaiyyət qarşısına çıxıb.

Publika.az xəbər verir ki, 75 yaşlı şahzadə Londondakı Guildhall binasında keçirilən, Uzaq Səfər Kapitanlarının Şərəfli Gildiyasının yaradılmasının 100 illiyinə həsr olunmuş yubiley ziyafətində iştirak edib.

Şahzadə tədbirdə çiçək naxışlı, limon rəngli, beldən kip oturan və dizədək yarıqlı uzun libas geyinib. O, görünüşünü ağ uzun əlcəklər və eyni rəngli hündürdaban ayaqqabılarla tamamlayıb.

Məlumata görə, Anna bu libası ilk dəfə 1984-cü ildə "Uşaqları Xilas Edək" xeyriyyə fondunun himayədarı kimi Qambiyaya səfəri zamanı geyinmişdi.

Qeyd edək ki, şahzadə Anna geyimlərini uzun illər istifadə etməsi və qənaətcil həyat tərzi ilə kral ailəsinin ən təvazökar üzvlərindən biri kimi tanınır. Bu səbəbdən onun illər əvvəlki libası yenidən geyinməsi sosial şəbəkələrdə maraqla qarşılanıb.

Adəm

Photo Photo Photo
Oxumağa davam et
Reklam
Reklam

Gündəm

Səba