Bu cihaz dəniz suyunu içməli suya çevirir

Dünyada təmiz su qaynaqlarının sürətlə tükəndiyi və iqlim böhranının qlobal təhlükəyə çevrildiyi bir dövrdə elmi tərəqqi insanlığın köməyinə çatır.

Publika.az xəbər verir ki, Yaxın Şərqdə apardığı müşahidələrdən ilhamlanan italiyalı dizayner Qabriele Diamantinin ərsəyə gətirdiyi “Eliodomestico” adlı ekoloji cihaz, heç bir mürəkkəb texnologiyaya ehtiyac duymadan dəniz suyunu içməli suya çevirməyi bacarır. Cihazın ən böyük üstünlüyü onun işləmək üçün elektrik enerjisinə, yanacağa və vaxtaşırı dəyişdirilməli olan bahalı filtrlərə ehtiyac duymamasıdır. Tamamilə təbii buxarlanma və kondensasiya prinsiplərinə əsaslanan bu sistem yalnız günəş şüalarından bəhrələnir.

Cihazın işləmə mexanizmi olduqca sadədir: üst çənə doldurulan dəniz və ya şor su gün boyu günəş şüalarının təsiri ilə qızaraq buxarlanır. Yaranan su buxarı alt kameraya yönləndirilir və orada soyuyaraq yenidən maye halına gəlir, duz və digər zərərli minerallar isə üst hissədə qalır. Beləliklə, günün sonunda heç bir xərc çəkmədən təxminən 5 litr tam təmiz içməli su əldə etmək mümkün olur. “Prix Emile Hermes” dizayn müsabiqəsində finalçılar sırasına daxil olan bu layihə, xüsusilə elektrik infrastrukturu olmayan, təmiz su qıtlığından əziyyət çəkən yoxsul və ucqar bölgələr üçün unikal çıxış yoludur.(Metbuat.az)