"Şarkzilla" amerikalıları qorxuya saldı - Balina yeyir, sürətlə böyüyür

Nyu-York sahillərində təxminən 3,6 metr uzunluğunda olan "Şarkzilla" adı verilən mako köpəkbalığı müşahidə edilib.

Publika.az xəbər verir ki, bu barədə "New York Post" (NYP) məlumat yayıb.
Nəşrin məlumatına görə, 4 metrə yaxın uzunluğu olan vahiməli dəniz yırtıcısı Nyu-Yorkun Lonq Aylend şəhərinin şərqində yerləşən Montauk qəsəbəsi yaxınlığında bir balinanı dişləyib. Balinanın belində 60 santimetrlik diş izləri qalıb. Köpəkbalığı həmçinin boz suitiyə və 180 kiloqramlıq tuna balığına da hücum edib. Dəniz və su hövzələrini araşdıran alim Kreyq Okonnell bu nəhəng yırtıcı ilə bağlı maraqlı iddia irəli sürüb. Onun fikrincə, "Şarkzilla" 1960-cı illərin sonlarında minlərlə radioaktiv materialın atıldığı Hudson kanyonundan nüvə tullantılarının sızması səbəbindən mutasiyaya uğramış ola bilər. Alimin sözlərinə görə, məhz radiasiyaya məruz qalan köpəkbalığında genetik dəyişikliklər baş verir və o, anormal şəkildə böyüyür.

Lakin, məqalədə qeyd edilib ki, aparılan analizlər "Şarkzilla" üzərində radioaktiv izlərin mövcudluğunu təsdiqləməyib.

Müəllif: Tural