Maraq dünyası

120 yaşı var, evdə gəzən zaman yıxılıb qolunu sındırdı - FOTOLAR

22 Avqust 2026 12:09

Çeçenistanda yaşayan və Rusiyanın ən yaşlı sakini sayılan qadın xəstəxanaya yerləşdirilib.

Publika.az xəbər verir ki, bu barədə "Life" nəşri məlumat yayıb.

Qeyd edilib ki, 120 yaşı olan Yaxa Xaşaqova adlı qadın evdə gəzərkən yıxılıb. Xəstəxanada ona qol sümüyünün sınığı diaqnozu qoyulub. Həkimlər hazırda ona bütün lazımi yardımı göstərirlər.

Nəşr bildirib ki, yaşlı qadın daim nəzarətdə olub və onu həmişə yaxınlıqda olan yaxınları tez-tez ziyarət edirmiş.

Yaxa 1905-ci ildə Alxazurovo kəndində anadan olub və hazırda Qroznıda yaşayır. Onun altı övladı, 20 nəvəsi və 48 nəticəsi var. Hazırda o, Rusiyanın ən yaşlı insanı hesab olunur. Xaşaqovanın tezliklə 121 yaşı tamam olacaq. Lakin onun yaşı beynəlxalq Gerontologiya Tədqiqat Qrupu (GRG) tərəfindən təsdiqlənməyib, buna görə də o, dünyanın ən yaşlı insanı kimi tanınmır.

Müəllif: Tural