MDB

Bu, Avropanın təhlükəsizliyi üçün yaxşı heç nə vəd etməyəcək - Kremldən xəbərdarlıq

19 Yanvar 2023 17:41

Rusiya-Ukrayna müharibəsinin davam etdiyi bir zamanda Kreml sözçüsü Dmitri Peskov müəyyən açıqlamalar verib.

Publika.az xəbər verir ki, o bildirib ki, müharibənin sona çatması Ukraynanın Rusiyanın tələblərini qəbul etməsindən asılıdır.

“Ukrayna Rusiyanın bu və ya digər şəkildə yerinə yetiriləcək tələblərini qəbul etməyə hazır olduğunu nə qədər cəld göstərsə və Ukrayna xalqı Kiyev rejiminin başlatdığı bu faciədən nə qədər tez sağalmağa başlasa, hər şey bir o qədər tez olar”, - o deyib.
Peskov xəbərdarlıq edib ki, Qərb Ukraynaya Rusiyanı vura biləcək daha çox silah verərsə , gərginlik daha da artacaq.

Həmçinin o əlavə edib ki, Qərbin mövqeyi təhlükəlidir: “Qərbin Ukraynaya silah tədarükü potensial olaraq son dərəcə təhlükəlidir. Bu, münaqişənin tamamilə yeni müstəviyə çıxarılması demək olardı ki, bu da Avropanın təhlükəsizliyi üçün yaxşı heç nə vəd etməyəcək”.

Ayşən