MDB

Beynəlxalq Valyuta Fondu Ukraynaya 4 il vaxt verdi

25 Mart 2023 21:16

Kreditorlar Ukraynaya daha dörd il borclarını qaytarmamağa icazə verib.

Publika.az xəbər verir ki, bu barədə "Bloomberg" məlumat yayıb. Bildirib ki, Kiyevə borclarını qaytarmaq üçün 2027-ci ilə qədər vaxt verilib.

Agentliyin yazdığına görə, bu qərarı Beynəlxalq Valyuta Fondu (BVF) Kiyevə 15,6 milyard dolların ayrılması ilə bağlı ilkin razılıq əldə edildikdən sonra verib.

Qeyd olunub ki, kredit BVF tarixində hərbi münaqişədə iştirak edən ölkəyə verilən ilk kredit olacaq. Həmçinin proqramın dörd illik olduğu diqqətə çatdırılıb.

“Hökumət proqramının əsas məqsədləri son dərəcə yüksək qeyri-müəyyənlik şəraitində iqtisadi və maliyyə sabitliyini qorumaq, borc dayanıqlığını bərpa etmək və münaqişədən sonra Ukraynanın Avropa İttifaqına daxil olmaq yolunda bərpasına dəstək olmaqdır”, - BVF bildirib.

Aytən Məftun