MDB

Putin gecələr neçə saat yatdığını AÇIQLADI - VİDEO

1 İyun 2023 20:36

"İş qrafikim gecələr təxminən altı saat yatmağa imkan verir, baxmayaraq ki, dünən gecə bu, çox az olub".

Publika.az xəbər verir ki, bunu Rusiya prezidenti Vladimir Putin deyib.

Uşaqların Müdafiəsi Günündə dövlət başçısı çoxuşaqlı ailələrlə videobağlantı vasitəsilə danışıb. Arxangelsk vilayətindən olan İlyin ailəsinin üzvlərindən biri prezidentin iş qrafiki və yatmağa vaxt tapıb-tapmadığını soruşub.

"Əlbəttə, mən də bütün insanlar kimi yatıram. Bir az yatıram, yəqin ki, 6-7 saat, ən çox 6 saat yatıram. Ancaq bu gün çox az yatdım. Bu baş verdi", - Putin gülümsəyərək cavab verib.

O, iş qrafikinin təfərrüatlarını açıqlamayıb, onun “kifayət qədər monoton” olduğunu qeyd edib. Bununla belə, Putin fiziki fəaliyyətin zəruriliyinə diqqət çəkib:

"Bəzi insanlardan fərqli olaraq idmandan əl çəkməməyə çalışıram, bu, işimə kömək edir".

Hüseyn İbadlı