Pakistanlı nazir Rusiyaya gəlir - Masada nələr var?

Pakistanın Energetika Nazirliyinin rəhbəri Məhəmməd Əlinin başçılıq etdiyi nümayəndə heyəti iki ölkə arasında enerji əməkdaşlığına dair konfransda iştirak etmək üçün oktyabrın 10-dan 12-dək Rusiyaya səfər edəcək.

Publika.az xəbər verir ki. bu barədə yerli “The News” qəzeti mənbələrə istinadla məlumat yayıb.

Pakistan tərəfi Rusiya neftinin idxalına dair uzunmüddətli müqavilə üzrə Moskva ilə danışıqlar aparmağı planlaşdırır.

Qeyd edilib ki, Pakistan Rusiya tədarüklərinin köməyi ilə enerji mənbələrini diversifikasiya etməyi və neft məhsullarının yüksək qiymətlərinin öhdəsindən gəlməyi planlaşdırır.

Pakistan nümayəndə heyəti həmçinin Rusiya neftinin, mayeləşdirilmiş təbii qazın (LNG) uzunmüddətli tədarükü, həmçinin Şimal-Cənub qaz kəməri layihəsini (Pakistan axını) müzakirə etməyi planlaşdırır.

Nəşrin qeyd edib ki, tərəflər bu ilin iyununda Rusiya neftinin ilk partiyasının Pakistana çatmasından sonra ilk dəfə enerji məsələlərini müzakirə edəcəklər.

Vurğulanıb ki, hazırda rusiyadan tədarük dayanıb. Çünki Pakistanın yerli neft emalı zavodları Urals neftinin idxalına maraq göstərməyib.

Hüseyn İbadlı