MDB

Rusiyada bu hərəkəti ilə medala layiq görülən İmam kimdir?

3 Oktyabr 2023 13:00

Rusiyanın Maqadan şəhərində boğulan qadını xilas edən türk inşaatçı mükafatlandırılıb.

Publika.az "MK.ru"ya istinadən xəbər verir ki, Rusiyanın Maqadan rayonunda körpüdən atılan hamilə qızı xilas etdiyi üçün Türkiyə vətəndaşı medalla təltif edilib.

İstintaqın məlumatına görə, 2023-cü il iyulun 9-da 17 yaşlı oğlan və 16 yaşlı qız 18 yaşlı xanım dostlarını çaya atıblar. Yeniyetmələr qızın telefonundan rəfiqəsinə intihar etmək istəyi ilə bağlı SMS göndərməklə onun intiharını səhnələşdirməyə cəhd ediblər.

Hamilə qadının qışqırtısını sahildə olan Türkiyə vətəndaşı İmam Atalayev eşidib. O, qadını sudan çıxararaq, təcili yardım çağırıb.

İstintaq Komitəsi türk inşaatçının hərəkətini ictimai borcunu yerinə yetirməsi kimi qiymətləndirib. Qızın xilas edilməsində göstərdiyi cəsarət və qətiyyətə görə o, medal ilə təltif edilib.

Mehti Kamiloğlu