Medvedev HƏDƏLƏDİ: "O rəhbərləri doğrayın"

"Moskva yaxınlığındakı "Crocus City Hall" konsert zalında törədilən terror aktında onların əli olduğu təsdiqlənərsə, Ukrayna rəhbərliyi aradan götürülməlidir".

Publika.az xəbər verir ki, bunu Rusiya Təhlükəsizlik Şurasının sədr müavini Dmitri Medvedev "Telegram" kanalında bildirib.

Onun sözlərinə görə, hətta "Azov" təmsilçiləri, Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov və ya Ukrayna Prezidenti Vladimir Zelenskinin terror aktının arxasında olduğuna dair kifayət qədər sübutlar əldə edilsə belə, Beynəlxalq Cinayət Məhkəməsində və ya digər oxşar orqanlarda mühakimə olunmayacaqlar.

Medvedevin sözlərinə görə, BMT-də belə bir həll yolu ilə irəliləmək real deyil. Onun fikrincə, bu, rusofob konsensus və dünya təşkilatının Təhlükəsizlik Şurasında anqlosaksların veto hüququna görə mümkün deyil.

“Nə etməli? Bəli, SSRİ MQB-nin müharibədən sonra mərdliklə etdiyi kimi, Bandera donuzlarını doğrayın. Ukrayna liderlərinin Yevgeni Konovalets və Stepan Bandera kimi “düzgün fürsətdə ləğv edilməsi” lazımdır. Bu, Kiyevdə və ya başqa uyğun yerdə edilə bilər", - Medvedev yazıb.

Hüseyn İbadlı