Rusiyanın daha bir şəhərində Qələbə günü ilə bağlı parad ləğv edildi
Bizi izləyin
Aptekonline

MDB

Rusiyanın daha bir şəhərində Qələbə günü ilə bağlı parad ləğv edildi

Mayın 9-da keçiriləcək atəşfəşanlıq və parad Saratov vilayətində baş tutmayacaq.

Publika.az xəbər verir ki, müvafiq qərar Qələbə gününün qeyd edilməsinə həsr olunmuş təşkilat komitəsinin iclasında yerli hakimiyyət orqanları tərəfindən qəbul edilib.

Qubernator Roman Busarqin özünün Telegram kanalında Veteranlar Şurasının nümayəndələrinin qoşunların təntənəli paradını və atəşfəşanlığı ləğv etmək təklifi ilə çıxış etdiyini yazıb. “Düşünürəm ki, bu, təhlükəsizlik baxımından da düzgündür”, - deyə region rəhbəri bildirib.

O əlavə edib ki, buna baxmayaraq, hakimiyyət Saratov vilayətində yaşayan Böyük Vətən Müharibəsi veteranlarını təbrik edəcək.

Bundan əvvəl Krım, Kursk, Belqorod, Bryansk, Pskov, Ryazan vilayətlərində paradların və atəşfəşanlığın ləğv olunduğu məlum olub.

Tural

Oxumağa davam et
Reklam
Reklam

Gündəm

Aptekonline