Kadırovun adamı buna görə saxlanılıb

Rusiya Daxili İşlər Nazirliyinin Şimali Qafqaz üzrə Departamenti aprelin 14-də Çeçenistan və Dağıstan arasında Gerzelski körpüsü keçid məntəqəsində baş verənlərlə bağlı araşdırma aparıb. Bu gün Çeçenistan Fövqəladə Hallar Nazirliyinin rəhbəri Tsakaev həmin ərazidə saxlanılıb.

Publika.az xəbər verir ki, bu barədə Rusiya mətbuatı yazıb.

Rusiya Daxili İşlər Nazirliyindən verilən məlumatda bildirilir ki, bir vətəndaş (onun adı açıqlanmır) GMC "Yukon" markalı avtomobillə P-217 "Qafqaz" federal magistralının qarşı tərəfi ilə hərəkət edir. O, sənədləri göstərmək tələblərinə cavab verməyib, söyüb və qaçmağa cəhd edib.

“Polis əməkdaşlarına hədə-qorxu gəlməklə cinayətkar özünü nalayiq və aqressiv aparmağa davam edib. Ona qarşı fiziki güc və xüsusi vasitələrdən (qandal) istifadə olunub. Hücum edən şəxs öz növbəsində hüquq-mühafizə orqanlarının əməkdaşlarına bir neçə zərbə endirib”, - Daxili İşlər Nazirliyindən bildirilib.

Nazirlik yoxlamanı başa çatdırıb. Onun nəticələri Rusiya İstintaq Komitəsinin istintaq orqanlarına göndəriləcək.

Çeçenistanın rəhbəri Ramzan Kadırov Çeçenistan Fövqəladə Hallar Nazirliyinin rəhbəri Əlixan Tsakaevin saxlanmasını biabırçı təxribat adlandırıb və Dağıstan hakimiyyətini bunu həyata keçirənlərə qarşı tədbir görməyə çağırıb. Buna cavab olaraq Dağıstanın rəhbəri Sergey Melikov bildirib ki, o, bu vəziyyətin Dağıstan Daxili İşlər Nazirliyinin əməkdaşlarının geyiminə hansısa formada kölgə salmasına imkan verə bilməz.

Akqabay